سورۃ الصّٰفّٰت

فَبَشَّرۡنَٰهُ بِغُلَٰمٍ حَلِيمٖ 101

(اس دعا کے جواب میں) ہم نے اس کو ایک حلیم (بردبار) لڑکے کی بشارت دی

فَلَمَّا بَلَغَ مَعَهُ ٱلسَّعۡيَ قَالَ يَٰبُنَيَّ إِنِّيٓ أَرَىٰ فِي ٱلۡمَنَامِ أَنِّيٓ أَذۡبَحُكَ فَٱنظُرۡ مَاذَا تَرَىٰۚ قَالَ يَـٰٓأَبَتِ ٱفۡعَلۡ مَا تُؤۡمَرُۖ سَتَجِدُنِيٓ إِن شَآءَ ٱللَّهُ مِنَ ٱلصَّـٰبِرِينَ 102

وہ لڑکا جب اس کے ساتھ دوڑ دھوپ کرنے کی عمر کو پہنچ گیا تو (ایک روز) ابراہیمؑ نے اس سے کہا، "بیٹا، میں خواب میں دیکھتا ہوں کہ میں تجھے ذبح کر رہا ہوں، اب تو بتا، تیرا کیا خیال ہے؟" اُس نے کہا، "ابا جان، جو کچھ آپ کو حکم دیا جا رہا ہے اسے کر ڈالیے، آپ انشاءاللہ مجھے صابروں میں سے پائیں گے

فَلَمَّآ أَسۡلَمَا وَتَلَّهُۥ لِلۡجَبِينِ 103

آخر کو جب اِن دونوں نے سر تسلیم خم کر دیا اور ابراہیمؑ نے بیٹے کو ماتھے کے بل گرا دیا

وَنَٰدَيۡنَٰهُ أَن يَـٰٓإِبۡرَٰهِيمُ 104

اور ہم نے ندا دی کہ "اے ابراہیمؑ

قَدۡ صَدَّقۡتَ ٱلرُّءۡيَآۚ إِنَّا كَذَٰلِكَ نَجۡزِي ٱلۡمُحۡسِنِينَ 105

تو نے خواب سچ کر دکھایا ہم نیکی کرنے والوں کو ایسی ہی جزا دیتے ہیں

إِنَّ هَٰذَا لَهُوَ ٱلۡبَلَـٰٓؤُاْ ٱلۡمُبِينُ 106

یقیناً یہ ایک کھلی آزمائش تھی

وَفَدَيۡنَٰهُ بِذِبۡحٍ عَظِيمٖ 107

اور ہم نے ایک بڑی قربانی فدیے میں دے کر اس بچے کو چھڑا لیا

وَتَرَكۡنَا عَلَيۡهِ فِي ٱلۡأٓخِرِينَ 108

اور اس کی تعریف و توصیف ہمیشہ کے لیے بعد کی نسلوں میں چھوڑ دی

سَلَٰمٌ عَلَىٰٓ إِبۡرَٰهِيمَ 109

سلام ہے ابراہیمؑ پر

كَذَٰلِكَ نَجۡزِي ٱلۡمُحۡسِنِينَ 110

ہم نیکی کرنے والوں کو ایسی ہی جزا دیتے ہیں

إِنَّهُۥ مِنۡ عِبَادِنَا ٱلۡمُؤۡمِنِينَ 111

یقیناً وہ ہمارے مومن بندوں میں سے تھا

وَبَشَّرۡنَٰهُ بِإِسۡحَٰقَ نَبِيّٗا مِّنَ ٱلصَّـٰلِحِينَ 112

اور ہم نے اسے اسحاقؑ کی بشارت دی، ایک نبی صالحین میں سے

وَبَٰرَكۡنَا عَلَيۡهِ وَعَلَىٰٓ إِسۡحَٰقَۚ وَمِن ذُرِّيَّتِهِمَا مُحۡسِنٞ وَظَالِمٞ لِّنَفۡسِهِۦ مُبِينٞ 113

اور اسے اور اسحاقؑ کو برکت دی اب ان دونوں کی ذریّت میں سے کوئی محسن ہے اور کوئی اپنے نفس پر صریح ظلم کرنے والا ہے

وَلَقَدۡ مَنَنَّا عَلَىٰ مُوسَىٰ وَهَٰرُونَ 114

اور ہم نے موسیٰؑ و ہارونؑ پر احسان کیا

وَنَجَّيۡنَٰهُمَا وَقَوۡمَهُمَا مِنَ ٱلۡكَرۡبِ ٱلۡعَظِيمِ 115

اُن کو اور ان کی قوم کو کرب عظیم سے نجات دی

وَنَصَرۡنَٰهُمۡ فَكَانُواْ هُمُ ٱلۡغَٰلِبِينَ 116

اُنہیں نصرت بخشی جس کی وجہ سے وہی غالب رہے

وَءَاتَيۡنَٰهُمَا ٱلۡكِتَٰبَ ٱلۡمُسۡتَبِينَ 117

ان کو نہایت واضح کتاب عطا کی

وَهَدَيۡنَٰهُمَا ٱلصِّرَٰطَ ٱلۡمُسۡتَقِيمَ 118

انہیں راہ راست دکھائی

وَتَرَكۡنَا عَلَيۡهِمَا فِي ٱلۡأٓخِرِينَ 119

اور بعد کی نسلوں میں ان کا ذکر خیر باقی رکھا

سَلَٰمٌ عَلَىٰ مُوسَىٰ وَهَٰرُونَ 120

سلام ہے موسیٰؑ اور ہارونؑ پر