سورۃ الصّٰفّٰت

لِمِثۡلِ هَٰذَا فَلۡيَعۡمَلِ ٱلۡعَٰمِلُونَ 61

ایسی ہی کامیابی کے لیے عمل کرنے والوں کو عمل کرنا چاہیے

أَذَٰلِكَ خَيۡرٞ نُّزُلًا أَمۡ شَجَرَةُ ٱلزَّقُّومِ 62

بولو، یہ ضیافت اچھی ہے یا زقوم کا درخت؟

إِنَّا جَعَلۡنَٰهَا فِتۡنَةٗ لِّلظَّـٰلِمِينَ 63

ہم نے اُس درخت کو ظالموں کے لیے فتنہ بنا دیا ہے

إِنَّهَا شَجَرَةٞ تَخۡرُجُ فِيٓ أَصۡلِ ٱلۡجَحِيمِ 64

وہ ایک درخت ہے جو جہنم کی تہ سے نکلتا ہے

طَلۡعُهَا كَأَنَّهُۥ رُءُوسُ ٱلشَّيَٰطِينِ 65

اُس کے شگوفے ایسے ہیں جیسے شیطانوں کے سر

فَإِنَّهُمۡ لَأٓكِلُونَ مِنۡهَا فَمَالِـُٔونَ مِنۡهَا ٱلۡبُطُونَ 66

جہنم کے لوگ اُسے کھائیں گے اور اسی سے پیٹ بھریں گے

ثُمَّ إِنَّ لَهُمۡ عَلَيۡهَا لَشَوۡبٗا مِّنۡ حَمِيمٖ 67

پھر اس پر پینے کے لیے کھولتا ہوا پانی ملے گا

ثُمَّ إِنَّ مَرۡجِعَهُمۡ لَإِلَى ٱلۡجَحِيمِ 68

اور اس کے بعد ان کی واپسی اُسی آتش دوزخ کی طرف ہو گی

إِنَّهُمۡ أَلۡفَوۡاْ ءَابَآءَهُمۡ ضَآلِّينَ 69

یہ وہ لوگ ہیں جنہوں نے اپنے باپ دادا کو گمراہ پایا

فَهُمۡ عَلَىٰٓ ءَاثَٰرِهِمۡ يُهۡرَعُونَ 70

اور انہی کے نقش قدم پر دوڑ چلے

وَلَقَدۡ ضَلَّ قَبۡلَهُمۡ أَكۡثَرُ ٱلۡأَوَّلِينَ 71

حالانکہ ان سے پہلے بہت سے لوگ گمراہ ہو چکے تھے

وَلَقَدۡ أَرۡسَلۡنَا فِيهِم مُّنذِرِينَ 72

اور اُن میں ہم نے تنبیہ کرنے والے رسول بھیجے تھے

فَٱنظُرۡ كَيۡفَ كَانَ عَٰقِبَةُ ٱلۡمُنذَرِينَ 73

اب دیکھ لو کہ اُن تنبیہ کیے جانے والوں کا کیا انجام ہوا

إِلَّا عِبَادَ ٱللَّهِ ٱلۡمُخۡلَصِينَ 74

اس بد انجامی سے بس اللہ کے وہی بندے بچے ہیں جنہیں اس نے اپنے لیے خالص کر لیا ہے

وَلَقَدۡ نَادَىٰنَا نُوحٞ فَلَنِعۡمَ ٱلۡمُجِيبُونَ 75

ہم کو (اِس سے پہلے) نوحؑ نے پکارا تھا، تو دیکھو کہ ہم کیسے اچھے جواب دینے والے تھے

وَنَجَّيۡنَٰهُ وَأَهۡلَهُۥ مِنَ ٱلۡكَرۡبِ ٱلۡعَظِيمِ 76

ہم نے اُس کو اور اس کے گھر والوں کو کرب عظیم سے بچا لیا

وَجَعَلۡنَا ذُرِّيَّتَهُۥ هُمُ ٱلۡبَاقِينَ 77

اور اسی کی نسل کو باقی رکھا

وَتَرَكۡنَا عَلَيۡهِ فِي ٱلۡأٓخِرِينَ 78

اور بعد کی نسلوں میں اس کی تعریف و توصیف چھوڑ دی

سَلَٰمٌ عَلَىٰ نُوحٖ فِي ٱلۡعَٰلَمِينَ 79

سلام ہے نوحؑ پر تمام دنیا والوں میں

إِنَّا كَذَٰلِكَ نَجۡزِي ٱلۡمُحۡسِنِينَ 80

ہم نیکی کرنے والوں کو ایسی ہی جزا دیا کرتے ہیں