سورۃ الصّٰفّٰت

فَإِنَّكُمۡ وَمَا تَعۡبُدُونَ 161

پس تم اور تمہارے یہ معبود

مَآ أَنتُمۡ عَلَيۡهِ بِفَٰتِنِينَ 162

اللہ سے کسی کو پھیر نہیں سکتے

إِلَّا مَنۡ هُوَ صَالِ ٱلۡجَحِيمِ 163

مگر صرف اُس کو جو دوزخ کی بھڑکتی ہوئی آگ میں جھلسنے والا ہو

وَمَامِنَّآ إِلَّا لَهُۥ مَقَامٞ مَّعۡلُومٞ 164

اور ہمارا حال تو یہ ہے کہ ہم میں سے ہر ایک کا ایک مقام مقرر ہے

وَإِنَّا لَنَحۡنُ ٱلصَّآفُّونَ 165

اور ہم صف بستہ خدمت گار ہیں

وَإِنَّا لَنَحۡنُ ٱلۡمُسَبِّحُونَ 166

اور تسبیح کرنے والے ہیں

وَإِن كَانُواْ لَيَقُولُونَ 167

یہ لوگ پہلے تو کہا کرتے تھے

لَوۡ أَنَّ عِندَنَا ذِكۡرٗا مِّنَ ٱلۡأَوَّلِينَ 168

کہ کاش ہمارے پاس وہ "ذکر" ہوتا جو پچھلی قوموں کو ملا تھا

لَكُنَّا عِبَادَ ٱللَّهِ ٱلۡمُخۡلَصِينَ 169

تو ہم اللہ کے چیدہ بندے ہوتے

فَكَفَرُواْ بِهِۦۖ فَسَوۡفَ يَعۡلَمُونَ 170

مگر (جب وہ آ گیا) تو انہوں نے اس کا انکار کر دیا اب عنقریب اِنہیں (اِس روش کا نتیجہ) معلوم ہو جائے گا

وَلَقَدۡ سَبَقَتۡ كَلِمَتُنَا لِعِبَادِنَا ٱلۡمُرۡسَلِينَ 171

اپنے بھیجے ہوئے بندوں سے ہم پہلے ہی وعدہ کر چکے ہیں

إِنَّهُمۡ لَهُمُ ٱلۡمَنصُورُونَ 172

کہ یقیناً ان کی مدد کی جائے گی

وَإِنَّ جُندَنَا لَهُمُ ٱلۡغَٰلِبُونَ 173

اور ہمارا لشکر ہی غالب ہو کر رہے گا

فَتَوَلَّ عَنۡهُمۡ حَتَّىٰ حِينٖ 174

پس اے نبیؐ، ذرا کچھ مدّت تک انہیں اِن کے حال پر چھوڑ دو

وَأَبۡصِرۡهُمۡ فَسَوۡفَ يُبۡصِرُونَ 175

اور دیکھتے رہو، عنقریب یہ خود بھی دیکھ لیں گے

أَفَبِعَذَابِنَا يَسۡتَعۡجِلُونَ 176

کیا یہ ہمارے عذاب کے لیے جلدی مچا رہے ہیں؟

فَإِذَا نَزَلَ بِسَاحَتِهِمۡ فَسَآءَ صَبَاحُ ٱلۡمُنذَرِينَ 177

جب وہ اِن کے صحن میں آ اترے گا تو وہ دن اُن لوگوں کے لیے بہت برا ہو گا جنہیں متنبہ کیا جا چکا ہے

وَتَوَلَّ عَنۡهُمۡ حَتَّىٰ حِينٖ 178

بس ذرا اِنہیں کچھ مدت کے لیے چھوڑ دو

وَأَبۡصِرۡ فَسَوۡفَ يُبۡصِرُونَ 179

اور دیکھتے رہو، عنقریب یہ خود دیکھ لیں گے

سُبۡحَٰنَ رَبِّكَ رَبِّ ٱلۡعِزَّةِ عَمَّا يَصِفُونَ 180

پاک ہے تیرا رب، عزت کا مالک، اُن تمام باتوں سے جو یہ لوگ بنا رہے ہیں