سورۃ الشعرآء

لَا يُؤۡمِنُونَ بِهِۦ حَتَّىٰ يَرَوُاْ ٱلۡعَذَابَ ٱلۡأَلِيمَ 201

وہ اس پر ایمان نہیں لاتے جب تک عذاب الیم نہ دیکھ لیں

فَيَأۡتِيَهُم بَغۡتَةٗ وَهُمۡ لَا يَشۡعُرُونَ 202

پھر جب وہ بے خبری میں ان پر آ پڑتا ہے

فَيَقُولُواْ هَلۡ نَحۡنُ مُنظَرُونَ 203

اُس وقت وہ کہتے ہیں "کہ “کیا اب ہمیں کچھ مُہلت مِل سکتی ہے؟

أَفَبِعَذَابِنَا يَسۡتَعۡجِلُونَ 204

تو کیا یہ لوگ ہمارے عذاب کے لیے جلدی مچا رہے ہیں؟

أَفَرَءَيۡتَ إِن مَّتَّعۡنَٰهُمۡ سِنِينَ 205

تم نے کچھ غور کیا، اگر ہم انہیں برسوں تک عیش کرنے کی مُہلت بھی دے دیں

ثُمَّ جَآءَهُم مَّا كَانُواْ يُوعَدُونَ 206

اور پھر وہی چیز ان پر آ جائے جس سے انہیں ڈرایا جا رہا ہے

مَآ أَغۡنَىٰ عَنۡهُم مَّا كَانُواْ يُمَتَّعُونَ 207

تو وہ سامانِ زیست جو ان کو ملا ہوا ہے اِن کے کس کام آئے گا؟

وَمَآ أَهۡلَكۡنَا مِن قَرۡيَةٍ إِلَّا لَهَا مُنذِرُونَ 208

(دیکھو) ہم نے کبھی کسی بستی کو اِس کے بغیر ہلاک نہیں کیا کہ اُس کے لیے خبردار کرنے والے حق نصیحت ادا کرنے کو موجود تھے

ذِكۡرَىٰ وَمَا كُنَّا ظَٰلِمِينَ 209

اور ہم ظالم نہ تھے

وَمَا تَنَزَّلَتۡ بِهِ ٱلشَّيَٰطِينُ 210

اِس (کتاب مبین) کو شیاطین لے کر نہیں اترے ہیں

وَمَا يَنۢبَغِي لَهُمۡ وَمَا يَسۡتَطِيعُونَ 211

نہ یہ کام ان کو سجتا ہے، اور نہ وہ ایسا کر ہی سکتے ہیں

إِنَّهُمۡ عَنِ ٱلسَّمۡعِ لَمَعۡزُولُونَ 212

وہ تو اس کی سماعت تک سے دُور رکھے گئے ہیں

فَلَا تَدۡعُ مَعَ ٱللَّهِ إِلَٰهًا ءَاخَرَ فَتَكُونَ مِنَ ٱلۡمُعَذَّبِينَ 213

پس اے محمدؐ، اللہ کے ساتھ کسی دُوسرے معبُود کو نہ پکارو، ورنہ تم بھی سزا پانے والوں میں شامل ہو جاؤ گے

وَأَنذِرۡ عَشِيرَتَكَ ٱلۡأَقۡرَبِينَ 214

اپنے قریب ترین رشتہ داروں کو ڈراؤ

وَٱخۡفِضۡ جَنَاحَكَ لِمَنِ ٱتَّبَعَكَ مِنَ ٱلۡمُؤۡمِنِينَ 215

اور ایمان لانے والوں میں سے جو لوگ تمہاری پیروی اختیار کریں ان کے ساتھ تواضع سے پیش آؤ

فَإِنۡ عَصَوۡكَ فَقُلۡ إِنِّي بَرِيٓءٞ مِّمَّا تَعۡمَلُونَ 216

لیکن اگر وہ تمہاری نافرمانی کریں تو ان سے کہو کہ جو کچھ تم کرتے ہو اس سے میں بری الذ مہ ہوں

وَتَوَكَّلۡ عَلَى ٱلۡعَزِيزِ ٱلرَّحِيمِ 217

اور اُس زبردست اور رحیم پر توکل کرو

ٱلَّذِي يَرَىٰكَ حِينَ تَقُومُ 218

جو تمہیں اس وقت دیکھ رہا ہوتا ہے جب تم اٹھتے ہو

وَتَقَلُّبَكَ فِي ٱلسَّـٰجِدِينَ 219

اور سجدہ گزار لوگوں میں تمہاری نقل و حرکت پر نگاہ رکھتا ہے

إِنَّهُۥ هُوَ ٱلسَّمِيعُ ٱلۡعَلِيمُ 220

وہ سب کچھ سننے اور جاننے والا ہے